Dag rudiņs

Agrā reitā es nūguoju šudiņ,
Daugova lelūs lūkus kur mat,
Vērtīs kai Latgolu kruosuot suoc rudiņs,
Sāstūs pi olūta styga kur vad.

Nasadzierd te vairs putynu dzīšmu,
Tikai zeileitis cyncynoj* vēļ -
Sludynoj snīguotu zīmu, ka brīsme!
Steidzynoj skudreitis pyulini ceļt.

Pasmeļu rīškovā breinuma soltuo -
Olūta iudiņs kai osora teirs.
Dreiži saule puor bierzenim boltim
Reita būrdeiti izstīpt steigs...

Dzaltonuos lopys nu tuolīnis jiutu,
Cārmyušku guņs pat navajag.
Ruodīs - vacais Varslavāns byutu
Izkruosuojs rudini, šudiņ kas dag...

Meiduos ūzuls pa byrušom zeilem,
Kļovim kieneņa krūņs zemē rauts.
Kruosainuos drēbis plāstys pa veilem,
Iz prīšku byus tikai palākums ļauts...

* cyncynoj – lat.lit.val. - čivina