naatsa - grīzsim II

Ø

par tom vīntuleibā mārcātom naktim
kod piļsāta šolcūši elpoj mašynu šveikstim
i tuoleju pārkiuņu ryusā pukst sirds

naej
nanes
noglys
nivīnam
nakaļs

itūnakt krystim plaukst lopys
veiteni apsavej kletkai buorkšainom steigom kai baroks
naktstaureni pūkaini lilovim spuornim
spuldžu gaismā iz īlu nūplaiksnej tymsā
kai oltora puorkluojs Leluos Pīktdīnis mišā
kai veinūgys palāki samtainim suonim

naej
pīdots