Latakas

Kai latakas pīsaulē laižamīs,
Kod atīt kaids laimeigōks breids.
Un pasagaisynōši aizmērstam -
Vyss dzeivē teik saskaiteits.

Kai rolis kū kasdīnā nūspēlejam,
Tai nērkšīņi, klusōkais šveiksts.
Kai Jōņa guņs dzērkstis sprikstūšōs,
Tai dūmas, bez volda kas kleist.

Bet sasamaisa ik reizi vyss,
Iz kotru pa pērkstam koč likt.
Bet rūkas kūpā jo salaissim,
Byus napareiz ūtratik!

Gryuts pasauļam nūstōvēt mīreigi,
Jis dadora apsagrīztīs,
Kai grybādams myusus pa nūpītnam
Nu zemes vērsa svīst.

Jau zīma, pavasars, vosora...
Sirds sauletei bādas syudz -
Kai tai bez skaita mes laižamīs?
Bet kū gon cytu lai lyudz...

Pa laseitei daža jo sakrōtu,
Tōs šaļtes, kod laimeigi mes.
Kaids nanūsalaidīs atsarassīs,
Kas jimsīs un saskaitēs?