Muna volūda

Muna volūda,
Ar mōtes pīnu zeistō,
Voi gotovi caur tevi
Mes itū pasauli i sevi saprast?

Muna volūda,
Kai prīdis sakne seikstō.
Daudz godus klusynōtō,
Bet speitē skanūšō i sadzierdātō!

Muna volūda,
Ar pūra bārza leiksti,
Ar mōtes cymdu rokstim,
Ar tāva sastrōdōtū rūku glōstim...

Muna volūda,
Tu latgaliskō, eistō,
Tev lītīs tyukstūš bolsim,
Kai dzīsmei rūtojūt, kas nagrib pōrstōt.

Muna volūda,
Ar mōtes pīnu zeistō,
Tev napagaist, tev dzeivōt,
Lai spātu mes caur tevi sevi atrast.