naatsa - grīzsim III

lai vysleidza
es īšu
dīnys palākys sakraunūt grāduos
molkys pagalis molkys škiuneitī kaļst

paguotnis atguodi
atguodu herbarejūs
jūceigai izlīkti guodu i atguodu spuorni puoksts veiteņu vejis

vanadzeni žyužainis naktineicys smylgys i rūzis
bejušuo īguodi
nikod da gola nanūsavārtī aizmierstī sapyni guodi

drupeit piec veistūšys zuolis

piec bejušuo laika i nazkod satyktūs ļaužu
aicynūšuos i saistūšuos dobys
gaistūšim smīklym kinā i viļšonuos jutūnis golā

palikt i naīt
atkuortuot pādeigūs kadrus kur myglā
pagaist eimūšūs ļaužu stuovi i titri

taišni nuokūtnē vydā